Mjeku thotë se kjo është pija më e mirë për jetëgjatësinë!

Mjeku, Mark Hyman, njëkohësisht autor i disa librave shëndetësorë thotë se pija më e mirë për jetëgjatësinë është çaji jeshil.

“Çaji është një super-pije që përmban përbërje të fuqishme fenolike, të cilat luftojnë kancerin dhe mbrojnë sistemin tonë kardiovaskular. Çaji jeshil në veçanti, është i pasur me katekina, disa nga fitonutrientët më të fuqishëm për luftimin e sëmundjeve që gjenden në mbretërinë e bimëve”, thotë ai.

Konsumi i rregullt i çajit jeshil lidhet drejtpërdrejt me një jetë të gjatë dhe të shëndetshme. Një përmbledhje e vjetër e studimeve gjeti një korrelacion midis konsumit të çajit jeshil dhe një numri të zvogëluar të problemeve të shëndetit kardiovaskular në vendet e Azisë Juglindore.

Studime të tjera kanë rezultate të ngjashme.

Përveç se bën mirë për zemrën dhe zorrën, çaji jeshil është i mirë edhe për trurin. Dietologia Neva Cochran thotë se kjo është për shkak të kafeinës dhe katekinave të pijeve.

“Katekinat ndihmojnë në mbrojtjen e trupit nga radikalet e lira. Kjo sjell përfitime në të gjithë trupin dhe natyrisht edhe trurin ”, thotë ajo.

Me të gjitha këto përfitime, është e qartë pse Dr. Hyman zgjodhi çajin jeshil si pija më e mirë për jetëgjatësinë. Për sa i përket pirjes, ai rekomandon dy filxhanë në ditë.

Ndërsa disa njerëz mund të mendojnë se “superushqimet” janë të kushtueshme, le të jetë ky një mësim që disa nga ushqimet më të shëndetshme janë nga më të thjeshtat.

Zarzavatet, fasulet dhe tani çaji jeshil janë disa nga artikujt që mund t’i shtoni në listën tuaj të blerjeve për jetëgjatësi. Sigurisht, mund të shtoni edhe pak verë të kuqe në karrocën tuaj të ushqimeve.

Burimi: Well & Good