Burrat ‘Alfa’ vs ‘Sigma’: Kë preferojnë më shumë gratë?

Kur flitet për tipet “alfa”, “sigma”, një prej pyetjeve më të zakonshme që iu bëhen ekspertëve është se cilin prej tipeve preferohet më shumë.

E vërteta është se edhe burrat alfa dhe ata sigma, mund të jenë të dy tërheqës për gratë.

Avantazhet e një burri alfa në lidhje me gratë

Burrat alfa kanë status dhe fuqi të lartë. Këto janë “përfitime” të lidhura ngushtë me të qenit në majën e një hiearkie, apo të dominuarit në shoqëri, cilësi që nuk karakterizojnë një sigma. Nuk është sekret që grave t’u duket tërheqës një burrë me status dhe fuqi (dhe e anasjellta). Në këtë mënyrë, një burrë afa është në avantazh kur bëhet fjalë për të marrë vëmendjen.

Avantazhet e një burri sigma në lidhje me gratë

Sigmat sjellin disa nga përparësitë e tyre në një lidhje/njohje. Më kryesorja, sigmat karakterizohen nga misteri dhe rrjedhshmëria e jetës së tyre të vetmuar. Ata gjithashtu dallohen nga vështirësia që kanë për të hyrë në një marrëdhënie normale romantike. Nëse kjo ndodh, ajo lidhje do jetë e sigurt dhe afatgjatë. Në këtë pikë, sigmat “fitojnë” kundrejt betave dhe alfave, sepse të gjitha këto  i bëjnë ata shumë intrigues dhe interesantë.

Esther Perel, autore e librit “Mating In Captivity: Unlocking Erotic Intelligence”, thotë në librin e saj se “dashuria kënaqet duke ditur gjithçka për ju, ndërsa dëshira ka nevojë për mister.”

“Dashuria pëlqen të zvogëlojë distancën që ekziston midis meje dhe teje, ndërsa dëshira energjizohet prej saj. Nëse intimiteti rritet përmes përsëritjes dhe familjaritetit, erotizmi është i mpirë nga përsëritja. Lulëzon në misteriozen, në të papriturën.”

Ekspertët e marrëdhënieve thonë shpesh se “burrat kanë probleme në ndërtimin e misterit” dhe kjo për një sigma vjen krejt natyrshëm.

Një avantazh tjetër i fuqishëm që sigmat kanë në takime, është pikërisht fakti që nuk u intereson hiearkia. Kjo iu jep atyre një energji “rebeli”, që shumë grave iu duket seksi.