një ditë më parë9 fakte që duhet t’i mësonit nga ‘edukata seksuale’
Periskopi(5 vite më parë)
(5 vite më parë)Gjasat janë që në klasën tuaj të jetë bërë pak ose aspak edukatë seksuale, prandaj për sigurinë tuaj dhe të të gjithë parnerëve potencialë, lexoni më poshtë: #1 – Mund të merrni sëmundje seksualisht të transmetueshme edhe nëse përdorni prezervativ Megjithëse prezervativët janë shumë të efektshëm në parandalimin e sëmundjeve ngjitëse seksuale që transmetohen përmes […]
Gjasat janë që në klasën tuaj të jetë bërë pak ose aspak edukatë seksuale, prandaj për sigurinë tuaj dhe të të gjithë parnerëve potencialë, lexoni më poshtë:
#1 – Mund të merrni sëmundje seksualisht të transmetueshme edhe nëse përdorni prezervativ
Megjithëse prezervativët janë shumë të efektshëm në parandalimin e sëmundjeve ngjitëse seksuale që transmetohen përmes lëngjeve trupore, SST të tjera përhapen nga kontakti lëkurë në lëkurë, sipas FDA. Kjo do të thotë që ju ende mund të merrni sëmundje ngjitëse seksuale si virusi papillomak njerëzor (lythat gjenitale), herpes gjenital, sifiliz etj.
#2 – Masturbimi për gratë është normal
Masturbimi është një sjellje e natyshme dhe ndonëse është private, nuk duhet të “demonizohet” apo të evitohet në biseda edukuese. Miti se vetëm djemtë masturbohen është gjëja më e gabuar që keni dëgjuar ose menduar ndonjëherë.
#3 – “Bota e vërtetë”
Sigurisht, në teori ju e dini se është më mirë të përdorni masa mbrojtëse gjatë seksit, por në shpejtësinë dhe intensitetin e momentit ndodh shpesh që kjo të evitohet.
Gratë kanë çdo të drejtë të ndalojnë nëse nuk ndihen komode dhe të sigurta, por do të ishte ideale që partnerët të bisedonin paraprakisht për mënyrat e mbrojtjes gjatë marrëdhënieve seksuale.
#4 – Duhet të urinoni pas seksit
Edukata seksuale zakonisht përqendrohet në shtatzënitë e padëshiruara dhe parandalimin e sëmundjeve ngjitëse seksuale, por rrallë flitet për infeksionet urinare.
Mjekët bien dakord se “ndonëse mund të doni të shkoni drejt e në gjumë pas aktit, duhet të ndaloni njëherë në tualet, në këtë mënyrë largoni çdo bakter që mund të sjellë infeksione.”
#5- Ekzistojnë shumë lloje të “mbrojtjes”
Shumica prej nesh njohin ose kanë dëgjuar vetëm për prezervativët dhe kontraceptivët, por ka edhe opsione të tjera si IUD, unaza, implantime etj, për të cilat mund të konsultoheni me gjinekologun tuaj.
#6 – Mund të mbeteni shtatzënë edhe gjatë periodave
Edhe gjatë periodave, ka ende mundësi që gratë të mbeten shtatzëna, prandaj seksi i pambrojtur mbetet njësoj i rrezikshëm.
Burimi: Bustle
