Studimi me mbi 1000 amerikanë: Nëse ju ndihmoni të tjerët, mund të ndikojë mirë në shëndetin tuaj

Kur bëhet fjalë për të ndihmuar të tjerët dhe shëndetin tuaj, mund të jetë më mirë të jepni sesa të merrni, sugjeron një studim i ri.

Studiuesit anketuan më shumë se 1000 amerikanë midis 34 dhe 84 vjeç për përfshirjen e tyre sociale dhe sa mendonin se mund të mbështeteshin te familja, miqtë ose bashkëshorti i tyre nëse kishin nevojë për ndihmë.

Marrëdhëniet pozitive sociale u shoqëruan me inflamacion më të ulët vetëm midis të anketuarve që thanë se ishin të disponueshëm për të ofruar mbështetje sociale për familjen dhe miqtë.

“Mund të ndodhë që kur njerëzit besojnë se mund të japin më shumë mbështetje për miqtë dhe familjen, këto marrëdhënie janë veçanërisht të dobishme dhe lehtësuese nga stresi, gjë që redukton inflamacionin,” tha profesori i asociuar i psikologjisë dhe bashkëautori i studimit, Baldwin Way, në një njoftim për shtyp nga Universiteti Shtetëror i Ohajos.

Me fjalë të tjera, të kesh njerëz që të mbështesin mund të mos ndihmojë shëndetin tuaj nëse nuk jeni gjithashtu aty kur ata kanë nevojë për ju, sipas gjetjeve, shkruan Upi, transmeton Klankosova.tv.

“Marrëdhëniet pozitive mund të lidhen me inflamacion më të ulët vetëm për ata që besojnë se mund të japin më shumë mbështetje në ato marrëdhënie,” tha autori kryesor Tao Jiang, një student i doktoraturës në psikologji në OSU.

Tutje ai tha se të dhënat paraprake sugjerojnë se lidhja mes ofrimit të mbështetjes sociale dhe shëndetësore është më e fortë tek gratë.

“Kjo pasqyron idenë se marrëdhëniet shoqërore shpesh shihen si më të rëndësishme për gratë sesa për burrat. Por ne duhet ta studiojmë këtë çështje më tej.”tha Jiang

Ai deklaroi se ndërsa studimi ekzaminoi vetëm atë që njerëzit thanë se ishin të gatshëm të bënin dhe jo veprimet e tyre aktuale, ai jep “një kuptim më të nuancuar” të lidhjes midis shëndetit dhe marrëdhënieve.

Gjetjet u publikuan së fundmi në internet në revistën Brain, Behavior and Immunity.