Cilat janë shenjat paralajmëruese të kancerit të gjirit, te burrat dhe gratë

Dhimbje ose ndryshime në pamjen e gjirit mund të jenë shenja paralajmëruese për diçka më serioze. Shenja si gunga ose ndryshime në thithën e gjirit janë të parat që njerëzit vënë re.

Në fillim, një grua mund të vërejë një ndryshim në gji teksa kryen ekzaminimin mujor. Shenjat e hershme të kancerit të gjirit përfshijnë:

– ndryshimet në formën e thithës
– dhimbja e gjirit nuk largohet pas periodave
– një gungë nuk largohet pas periodave
– ka rrjedhje nga thithat, një lëng që mund të jetë i tejdukshëm, i kuq, kaf ose i verdhë
– skuqje e pashpjegueshme, ënjëjte, acarim ose kruajtje e lëkurës
– ënjtje ose gungë rreth klavikulës ose nën krah

Shenjat e mëvonshme të kancerit të gjirit përfshijnë:

– tërheqje e thithës
– zmadhim i njërit gji
– zbehje e sipërfaqes së gjirit
– zmadhim të gungave
– një ndjesi si lëvozhgë portokalli në lëkurë
– mungesë oreksi
– humbje peshe
– nyje limfatike të zgjeruara në sqetull
– vena të dukshme në gji

Shenjat paralajmëruese të kancerit të gjirit te burrat

Kanceri i gjirit nuk lidhet zakonisht me burrat, por mund të ndodhë në raste të rralla në çdo moshë, edhe pse është më i zakonshëm te burrat e moshuar. Shumë njerëz nuk e kuptojnë se burrat kanë gjithashtu ind gjiri dhe qelizat e këtij indi mund të pësojnë ndryshime kanceroze. Simptomat janë:

– trashje e indit të gjirit
– rrjedhje nga gjiri
– skuqje ose acarim i thithës
– thithë e tërhequr
– skuqje e pashpjegueshme, ënjtje, acarim dhe kruajtje e lëkurës