Policia thotë se ende nuk ka të arrestuar për vrasjen e dy vëllezërve në Malishevë

Policia e Kosovës ka njoftuar se pas mesnate në fshatin Plloçicë të Malishevës janë plagosur dy persona, të cilët nuk kanë arritur t’u shpëtojnë plagëve të marra.

Viktimat që kanë qenë vëllezër kanë vdekur rrugës për në spital.

Arsyet e vrasjes së dyfishtë ende nuk dihen, mirëpo mësohet se viktimat janë Shani Maloku, 44 vjeç dhe Bahri Maloku, 33 vjeç. Njëri prej tyre ishte edhe pjesëtar i FSK-së.

Mediat kanë raportuar se deri më tani jaënë arrestuar dy persona për këtë rast. Por një gjë të tillë e ka mohuar për Periskopin zëdhënësja Lirije Podrimaj, duke thënë se deri në këto momente nuk ka ndodhur asnjë arrestim.

‘JO nuk ka ende të arrestuar. Pashe disa informata në media se ka të arrestuar, por deri në këto momente nuk është burim i informacionit të policisë’.

Ajo ka thënë se ende nuk dihen motivet e kësaj vrasjeje./Periskopi/