Zyrtare: Mërgim Vojvoda transferohet tek Udinese nga Como

Mbrojtësi i krahut është transferuar përfundimisht nga Como, ndërsa lajmi është bërë i ditur nga vetë klubi friulan.

Vojvoda ka nënshkruar kontratë me Udinesen deri më 30 qershor 2028, me opsion për zgjatje edhe për një sezon tjetër.

29-vjeçari mund të luajë si mbrojtës i djathtë në një skemë me katër mbrojtës ose si krah i djathtë në mesfushë, duke u dalluar për teknikën e mirë dhe prirjen e tij sulmuese.

I lindur në Kosovë në vitin 1995, Vojvoda e nisi karrierën në Holandë dhe Belgjikë.

Në vitin 2020 ai u transferua në Serie A te Torino, ku zhvilloi 135 ndeshje dhe shënoi tri gola.

Në janar të vitit 2025 kaloi te Como, ku ishte një nga protagonistët e kualifikimit historik të klubit në Ligën e Kampionëve.

Gjatë sezonit të kaluar ai realizoi dy gola në 30 ndeshje dhe ndihmoi skuadrën të arrinte në gjysmëfinalen e Kupës së Italisë.

Vojvoda është titullar i padiskutueshëm i kombëtares së Kosovës, me të cilën ka mbajtur edhe shiritin e kapitenit.

Ai është tejet i rëndësishëm për “Dardanët”, me 74 ndeshje dhe tri gola të shënuar.

Para se t’i bashkohej Kosovës, ai regjistroi edhe 12 paraqitje me kombëtaren U21 të Shqipërisë.