5 minuta më parëKy është i plagosuri i katërt nga të shtënat në Podujevë – ai dhe një tjetër i plagosur janë vëllezër
Periskopi(2 orë më parë)
(2 orë më parë)Të shtëna me armë zjarri janë raportuar në qendër të Podujevës. Një person dyshohet se kja shtënë me armë zjarri ndaj tre personave të tjerë.
Sipas burimeve të Sinjalit mësohet se Fatlumi dhe Fidaim Zejnullahu, i cili gjithashtu mbeti i plagosur në këtë incident, janë vëllezër, transmeton Periskopi.
Me identifikimin e Fatlumit, numri i të plagosurve nga kjo ngjarje ka shkuar në katër. Deri më tani, të identifikuarit janë:
Fidaim Zejnullahu, rreth 36-vjeçar, shtetas gjerman;
Fatlum Zejnullahu;
Agim Xhemaji;
Argjend Islami, kalimtar i rastit.
Ndryshe lajmin për Periskopin e ka konfirmuar zëdhënësi i Policisë, për rajonin e Prishtinës, Enis Pllana.
Ai ka konfirmuar se rasti është raportuar rreth orës 13:30, ndërsa njësitet policore kanë reaguar menjëherë duke dalë në vendin e ngjarjes.
"Rreth orës 13:30, është pranuar informata për të shtëna me armë zjarri në Podujevë. Policia ka dalë menjëherë në vendin e ngjarjes dhe nga informacionet e para dyshohet se tre persona janë plagosur dhe të njëjtit janë dërguar në QKUK, për trajtimin e nevojshëm mjekësor.", tha ai.
