Një person gjendet pa shenja jete në Janjevë të Lipjanit

Sipas informacioneve, familjarët kanë kërkuar ndihmën e Emergjencës pasi e kanë gjetur personin pa ndjenja në shtëpi.

Ekipi mjekësor ka dalë në vendin e ngjarjes, ku ka konstatuar vdekjen.

Në vendngjarje kanë intervenuar njësitë relevante të Policisë së Kosovës, ndërsa me urdhër të Prokurorit të Shtetit është iniciuar rasti “Trup i pajetë”.

Bazuar në deklarimet e familjarëve, personi kishte pasur probleme shëndetësore edhe më herët dhe nuk janë ngritur dyshime për rrethanat e vdekjes.

Me vendim të prokurorit, trupi i pajetë i është liruar familjes për ceremoninë e varrimit.