2 minuta më parëPërhapet me shpejtësi zjarri në Fier, flakët përfshijnë depot e ujit – rrezikohen edhe banesat
Periskopi(2 orë më parë)
(2 orë më parë)Një zjarr i fuqishëm ka rënë sot në fshatin Drizë të Fierit, duke përfshirë fillimisht shkurre dhe ullishte.
I favorizuar nga era, zjarri është përhapur me shpejtësi në drejtim të vendit të quajtur Qafë Koshovicë.
Flakët kanë përfshirë edhe depot e ujit që furnizojnë qytetin e Fierit dhe disa fshatra përreth, ndërsa kanë rrezikuar edhe një restorant.
Falë ndërhyrjes së forcave zjarrfikëse, është bërë e mundur shmangia e djegies së objektit.
Më pas, zjarri ka ndryshuar drejtim duke avancuar drejt fshatit Peshtan i Vogël, ku ka rrezikuar edhe disa banesa.
Për shkak të përmasave të zjarrit është kërkuar ndërhyrje nga ajri me helikopter.
Në operacionin për shuarjen e flakëve janë angazhuar 10 mjete zjarrfikëse, forca të shumta të Policisë së Shtetit, forcat e FNSH-së, repartet “Shqiponja”, si edhe struktura të tjera të emergjencës.
Aktualisht, zjarri vijon të avancojë në zonën e Peshtanit, ndërsa të gjitha forcat në terren po punojnë me intensitet të lartë për ta vënë situatën nën kontroll./TCh
