6 minuta më parëBurri s'gjeti vend as në Qeveri e as në Kuvend, por gruaja e Hysen Durmishit punësohet te Arben Vitia
Periskopi(4 orë më parë)
(4 orë më parë)Meqenëse burri nuk gjeti vend në Qeveri e as në Kuvend, Mirjeta Durmishi, gruaja e ish zv.ministrit, Hysen Durmishi u punësua si këshilltare politike e ministrit të Shëndetësisë, Arben Vitia, shkruan Periskopi.
Lajmin e bëri të ditur vet, znj. Durmishi, e cila përmes një postimi në profilin e saj në Facebook, e falenderoi kryeministrin Kurti e ministrin Vitia.
"Faleminderit kryeministër Kurti!
Faleminderit ministër Vitia!
Jam e nderuar, që nga sot, të jem këshilltare politike e ministrit më të suksesshëm të Qeverisë së Kosovës z. Arben Vitia", shkroi ajo.
Vlen të theksohet se që nga koha kur Kurti nuk vendosi që Hysen Durmishit mos t'ia besoj ministrinë e Infrastrukturës, e në vend të tij ta vendos Dimal Bashën - ishte Mirjeta Durmishi, ajo e cila thumbonte në vazhdimësi përmes statuese kryeministrin Kurti dhe Bashën.
"“vështirë është me perfundu ndërtimin e rrugës, se me pre shiritin është leht", shkruante ajo në Facebook gjatë një përurimi të një segmenti të magjistrales Prishtinë-Mitrovicë.
