një minutë më parëArrestohen dy serbë e një kosovar: Tentuan ta përvetësonin një parcelë në vlerë mbi 1 milionë e 500 mijë euro
Periskopi(një orë më parë)
(një orë më parë)Policia e Kosovës ka arrestuar tre persona, dy serbë e një kosovar, të cilët dyshohen se përmes falsifikimit të dokumenteve kanë tentuar ta sheshin një parcelë në sllatinë të Fushë-Kosovës.
Të arrestuarit kanë tentuar që përmes mashtrimit ta shesin parcelën në vlerë të 1 milionë e 550 mijë euro.
“Të dyshuarit, njëkohësisht dyshohet që përmes mashtrimit (dokumenteve të falsifikuara), kanë tentuar që të njejtën parcelë tua shesin disa blerësve, në vlerë totale prej 1,550.000.00 euro.
Të gjitha veprimet janë ndërmarr në konsultim me Prokurorin Kujdestar nga Prokuroria Themelore në Prishtinë dhe si rezultat i veprimeve të ndërmarra është vërtetuar se;
Personat e dyshuar duke falsifikuar Pasaportën dhe Letërnjoftimin e serbisë në emrin e pronarit të vërtetë të parcelës, kanë tentuar që përmes mashtrimit, ta shesin pronën e viktimës dhe njëkohësisht t’i mashtrojnë personat tjerë/blerësit, duke ua marr shumën prej 1,550,000.00 euro (një milion e pesëqind e pesëdhjetë mijë euro).
Mbi bazën e këtyre veprimeve është krijuar dyshimi se personat kanë kryer veprat penale:
“Mashtrimi”, nga neni 323 i KPRK-së, “Falsifikimi i dokumenteve”, nga neni 390 i KPRK-së, dhe “Legalizimi i përmbajtjes se rreme”, nga neni 395 i KPRK-së”,ka bërë të ditur policia.
