5 minuta më parëZbulohet arsyeja pse Leo Messi shpërtheu në lot pas golit me Argjentinën
Periskopi(18 orë më parë)
(18 orë më parë)Familja e Lionel Messi ka publikuar një deklaratë zyrtare lidhur me gjendjen shëndetësore të Jorge Messit, duke konfirmuar se ai aktualisht po kalon një situatë të ndjeshme dhe është nën mbikëqyrje mjekësore.
Sipas njoftimit, Jorge Messi po shfaq shenja përmirësimi dhe po rikuperohet gradualisht brenda gjendjes që po trajtohet nga mjekët.
Në deklaratë, familja shpreh shqetësimin e saj për mënyrën se si çështja është trajtuar në publik, duke kritikuar mungesën e ndjeshmërisë dhe respektit në raportimet dhe spekulimet që kanë qarkulluar së fundmi, sidomos pas lotëve të Leo Messit në ndeshjen ndaj Algjerisë.
Familja thekson se vetëm rrethi i ngushtë familjar ka informacion të saktë mbi gjendjen e tij dhe se çdo informacion tjetër që nuk vjen nga burime zyrtare nuk duhet të konsiderohet i besueshëm.
“Shëndeti i një personi dhe qetësia e familjes së tij nuk duhet të jenë objekt spekulimesh apo vëmendjeje të papërgjegjshme mediatike”, thuhet mes tjerash në deklaratë.
Gjithashtu, familja kërkon respektimin e privatësisë gjatë kësaj periudhe dhe falënderon të gjithë ata që kanë dërguar mesazhe mbështetjeje dhe mirëkuptimi.
Çdo përditësim i mëtejshëm, sipas familjes, do të publikohet vetëm përmes kanaleve zyrtare./ Periskopi/
