disa sekonda më parëKQZ përditëson rezultatet: Janë numëruar mbi 96% e votave me postë
Periskopi(një orë më parë)
(një orë më parë)Procesi i numërimit të votave të ardhura me postë është në fazën përfundimtare. Sipas të dhënave më të fundit të publikuara nga Komisioni Qendror i Zgjedhjeve, deri tani është përpunuar 96.41 për qind e këtij procesi.
Në përditësimin e fundit bëhet e ditur se janë numëruar votat nga 215 prej gjithsej 223 vendvotimeve të parapara për këtë kategori.
Rezultatet aktuale tregojnë se Lëvizja Vetëvendosje vazhdon të udhëheqë bindshëm me 72.97 për qind të votave, rezultat që i siguron edhe mandatin e 53-të. Pas saj renditen LDK me 12.01 për qind, PDK me 8.25 për qind dhe AAK me 4.15 për qind.
Periudha e votimit me postë ka zgjatur nga 21 maji deri më 6 qershor 2026, ndërsa për këtë mënyrë votimi ishin regjistruar afro 105 mijë qytetarë të Kosovës.
Ndërkohë, të dielën u përmbyll edhe verifikimi i 85,790 pakove që dyshohej se përmbanin fletëvotime. Nga to, 82,809 u miratuan si të rregullta, ndërsa 2,981 nuk u pranuan dhe u refuzuan.
