10 minuta më parëDyshohet për vjedhje të 200 eurove, arrestohet 27-vjeçari në Suharekë
Periskopi(4 ditë më parë)
(4 ditë më parë)Policia e Kosovës ka arrestuar një person të dyshuar për veprën penale “vjedhje e rëndë”, pas një hetimi disa ditor lidhur me një rast të ndodhur në Suharekë.
Sipas policisë, ngjarja kishte ndodhur më 11 qershor, rreth orës 02:20, në hyrje të një marketi në rrugën “Brigada 123”. Ankuesi kishte raportuar se ishte sulmuar nga dy persona të panjohur, ku njëri e kishte kapur për krahu, ndërsa tjetri i kishte marrë nga xhepi 200 euro. Pas incidentit, të dy të dyshuarit ishin larguar nga vendi i ngjarjes.
Pas veprimeve intensive hetimore, Policia ka njoftuar se ka arritur të identifikojë dhe arrestojë të dyshuarin R.K., 27-vjeçar nga fshati Tërne i Suharekës./ Periskopi/
