një orë më parë“Nëse nuk je i pasur, nuk ke vend në stadium” – Loja Shqipëri-Serbi pa Tifozat Kuq e Zi – dalin me deklaratë
Periskopi(një vit më parë)
(një vit më parë)Tifozat Kuq e Zi kanë reaguar pak para ndeshjes së Shqipërisë ndaj Serbisë në Tiranë në kuadër të kualifikimeve për Kampionatin Evropian. TKZ njoftuan se nuk do të jenë në stadium për këtë ndeshje. Ata fajësuan FSHF-në, duke e kritikuar ashpër. Reagimi i plotë i Tifozave Kuq e Zi, pa ndërhyrje: TIFOZAT KUQ E ZI […]
Tifozat Kuq e Zi kanë reaguar pak para ndeshjes së Shqipërisë ndaj Serbisë në Tiranë në kuadër të kualifikimeve për Kampionatin Evropian.
TKZ njoftuan se nuk do të jenë në stadium për këtë ndeshje.
Ata fajësuan FSHF-në, duke e kritikuar ashpër.
Reagimi i plotë i Tifozave Kuq e Zi, pa ndërhyrje:
TIFOZAT KUQ E ZI NUK DO TË JENË NË STADIUM!
Për herë të parë që nga themelimi, tash e 21 vite, nuk do të jemi në stadium për të përkrahur Kombëtaren tonë. Në fakt, kjo është hera e dytë. Herën e parë më 14.10.2014, nuk na lanë shkijet. Tash më 07.06.2025, nuk po na lejojnë miqtë e shkijeve (FSHF), dhe atë në shtëpinë tonë.
Ndryshe nga ndeshjet e mëparshme ku anëtarët tanë u organizuan për të siguruar bileta në sektorin tonë tradicional, këtë herë nuk morëm pjesë në farsën e organizuar me pretekstin e një “shorti” të rremë. Ky sistem, i ndërtuar për të garantuar bileta për agjencitë turistike dhe më pas për të ushqyer pazaret e zakonshme, është thellësisht i padrejtë dhe i papranueshëm.
Absurdi i kësaj ndeshjeje qëndron te hipokrizia e vazhdueshme e FSHF-së, e cila predikon gjithpërfshirje, por në realitet përjashton tifozët e vërtetë, ata që e kanë ndjekur Kombëtaren për më shumë se 21 vite. Futbolli është kthyer nga një aktivitet popullor në një event ekskluziv për të pasurit, ku çmimet e biletave variojnë nga 150 deri në 1000 euro.
Është e paimagjinueshme që një familje shqiptare mesatare, një prind me bashkëshorten dhe dy fëmijë, të duhet të paguajë rreth 600 euro për të ndjekur një ndeshje, aq sa kushton një javë pushime në qershor.
Kjo është politika përjashtuese e Federatës Shqiptare të Futbollit: nëse nuk je i pasur, nuk ke vend në stadium. Por jo të gjithë jemi milionerë si Presidenti i FSHF-së dhe rrethi i tij.
Gjithpërfshirja i ka të gjithë brenda përveç se TKZ-në. Aty janë agjencitë e udhëtimit dhe politikanët, por vetëm BESNIKËT e përjetshëm JO. Diçka e tillë nuk është parë kurrë.
Le të fitojë njëherë Kombëtarja.
