4 minuta më parëMusliu i reagon Speciales për Thaçin: Gjykatë e turpit
Periskopi(një vit më parë)
(një vit më parë)Deputetja e Partisë Demokratike të Kosovës, Ganimete Musliu, e ka quajtur akt të turpshëm vendimin e Gjykatës Speciale për të mos e lejuar ish-presidentin Hashim Thaçi në varrimin e babait të tij, Haxhiut. “DHOMAT E POLITIZUARA të Kosovës në Hagë, edhe njëherë po demonstron forcën në vend të drejtësisë duke e penguar djalin të marrë […]
“DHOMAT E POLITIZUARA të Kosovës në Hagë, edhe njëherë po demonstron forcën në vend të drejtësisë duke e penguar djalin të marrë pjesë në varrimin e babait të vet”, ka shkruar Musliu në Facebook.
“Kjo nuk është drejtësi, ky është një akt i turpshëm që dëshmon se sa larg mund të shkojë kjo gjykatë e cila po e turpëron drejtësinë në thelbin e saj”.
“Vendimi për të mos e sjellë Presidentin në varrim të babait të tij është edhe një provë shtesë se kjo gjykatë e turpit tonë kolektiv po abuzon me çdo vlerë njerëzore”.
Musliu ka kërkuar që parlamenti që e ka bërë të mundur Specialen ta zhbëjë atë.
“Asnjë gjykatë dhe asnjë gjykatës i shitur për interesa puro politike nuk do t’ia dalë të përbaltë çlirimtarët e kësaj toke”.
“Krenaria jonë do ta sfidon çdo prepotencë ndërkombëtare të kamufluar nën petkun e drejtësisë”
“Ka ardhë koha që organi që e bëri te mundur këtë fars të drejtësisë ndërkombëtare, ta çbëjë!”.
“Jemi me Ty, President! Zoti ta shtoftë durimin dhe të dhuroftë forcën për të përballuar dhimbjen për humbjen e babait tënd. Qëndro stoik siç ke qëndruar gjithmonë”.
