Messi: Lëndimi me ndali të jem pjesë e dy ndeshjeve me kombëtaren, forca Argjentinë!

Ylli argjentinas u la jashtë skuadrës së Lionel Scalonit për shkak të një dëmtimi në aduktor.

“Është e tmerrshme të humbasësh këto dy ndeshje shumë të veçanta me kombëtaren kundër Uruguait dhe Brazilit. Si gjithmonë doja të isha aty, por në momentin e fundit një dëmtim, jo ​​shumë i rëndë, më detyroi të ndaloja për pak kohë. Unë do të ndjek dhe mbështes si tifoz. Le të shkojmë Argjentinë”, ka shkruar ai në rrjetet sociale.

Sulmuesi 37-vjeçar ndjeu siklet muskulor në fitoren e Inter Miami ndaj Atlanta United, por luajti plot 90 minuta dhe shënoi një gol.

Pas ndeshjes në xhiron e katërt të Major League Soccer (MLS), testet e mëvonshme zbuluan një dëmtim të aduktorit.