Vitamina D në shtatzëninë e hershme mund të jetë thelbësore për shëndetin e foshnjës

Hulumtimet e reja sugjerojnë se marrja e mjaftueshme e vitaminës D, e njohur si “vitamina e diellit”, gjatë shtatzënisë së hershme mund të jetë e rëndësishme për shëndetin e foshnjës.

Studiuesit në Penn State zbuluan se foshnjat e lindura nga gratë me mungesë të kësaj vitamine kishin më shumë gjasa të lindnin para kohe.

Gjithashtu, këto foshnja kishin më shumë gjasa të ishin më të vogla në krahasim me foshnjat e lindura nga gratë që kishin marrë sasi të mjaftueshme të vitaminës D në tremujorin e parë të shtatzënisë.

“Kjo studim ofron prova se ushqyerja gjatë shtatzënisë së hershme – madje edhe para konceptimit – është jashtëzakonisht e rëndësishme,” tha autorja kryesore e studimit, Celeste Beck, studente doktorature në Penn State.

“Nuk mund të supozojmë thjesht se të gjithë kanë mungesë, por ushqyerja e duhur duhet të jetë në vëmendjen e çdo gruaje që planifikon të mbetet shtatzënë,” shtoi autorja bashkëpunuese Alison Gernand, profesoreshë e asociuar e shkencave ushqimore në Penn State.

Studimi i publikuar në muajin shkurt në revistën “American Journal of Clinical Nutrition”, tregon se vitamina D është thelbësore për shëndetin dhe trupi e prodhon natyrshëm përmes ekspozimit të lëkurës ndaj rrezeve të diellit. Megjithatë, shumë njerëz nuk marrin sasi të mjaftueshme të vitaminës D në jetën e përditshme.

Studimet e mëparshme kanë treguar se “më shumë se 25% e grave shtatzëna ose në periudhën e laktacionit kanë nivele më të ulëta se sa rekomandohet të vitaminës D,” vuri në dukje Gernand.