Si të flini më rehat gjatë natës?

Për të përmirësuar cilësinë e gjumit, ekspertët rekomandojnë krijimin e një rutine të rregullt. Shkuarja në shtrat dhe zgjimi në të njëjtën orë çdo ditë ndihmon organizmin të krijojë një ritëm të qëndrueshëm.

Po ashtu, është e rëndësishme të shmangni përdorimin e telefonit, tabletit apo televizorit të paktën 30 minuta para gjumit, pasi drita blu e ekraneve mund të ndikojë në prodhimin e melatoninës, hormonit që rregullon gjumin.

Një ambient i qetë, i errët dhe me temperaturë të përshtatshme mund të ndihmojë gjithashtu në një pushim më të mirë. Konsumimi i kafesë, pijeve energjike apo vakteve të rënda në orët e vona të mbrëmjes duhet të kufizohet.

Aktiviteti fizik gjatë ditës dhe teknikat e relaksimit, si leximi ose meditimi i lehtë para gjumit, mund të kontribuojnë në një natë më të qetë dhe më të rehatshme./ Periskopi/