3 minuta më parëTrump insiston në marrjen në kontroll të Gazës ndërsa takohet me Mbretin e Jordanisë
Periskopi(një vit më parë)
(një vit më parë)Presidenti amerikan, Donald Trump ka insistuar edhe një herë se SHBA do të marrë kontrollin e Rripit të Gazës, teksa u takua me Mbretin e Jordanisë Abdullah në Shtëpinë e Bardhë të martën. Ishte takimi i tyre i parë që kur Trump njoftoi propozimin e tij për të marrë nën kontroll enklavën dhe për të […]
Presidenti amerikan, Donald Trump ka insistuar edhe një herë se SHBA do të marrë kontrollin e Rripit të Gazës, teksa u takua me Mbretin e Jordanisë Abdullah në Shtëpinë e Bardhë të martën.
Ishte takimi i tyre i parë që kur Trump njoftoi propozimin e tij për të marrë nën kontroll enklavën dhe për të zhvendosur popullsinë e saj prej dy milionë palestinezësh në vende të tjera të rajonit, përfshirë Jordaninë, transmeton gazeta online Reporteri.net.
Në fillim të kësaj jave, Trump sugjeroi se mund të ndalonte ndihmën për Jordaninë dhe Egjiptin, nëse nuk pranonin t’i merrnin ata palestinezë nga Gaza.
Jordania, një aleat kyç i SHBA-së në Lindjen e Mesme, është tashmë shtëpia e miliona palestinezëve dhe e ka refuzuar propozimin. Mbreti Abdullah tha pas takimit të tyre tha se “pozita e palëkundur e Jordanisë [është] kundër zhvendosjes së palestinezëve”.
Por duke folur me gazetarët në Zyrën Ovale, me Mbretin Abdullah të ulur në të djathtën e tij, Trump sinjalizoi se nuk do të ndryshonte idenë e tij, e cila shkaktoi reagim global kur ai e zbuloi këtë plan javën e kaluar.
“Ne do ta marrim atë. Ne do ta mbajmë atë. Ne do ta vlerësojmë atë”, tha ai për Gazën.
Trump pretendoi se “shumë vende pune” do të krijoheshin në të gjithë rajonin nëse do të ndodhte një pushtim i territorit të shkatërruar nga SHBA.
Mbreti Abdullah u ul i qetë pranë Trumpit ndërsa presidenti përsëriti një propozim që do të përmbyste dekada të politikës së vendosur të SHBA-së dhe mund të përbënte një shkelje të ligjit ndërkombëtar, i cili ndalon transferimin me forcë të popullsisë, raporton BBC.
