Policia realizon kontroll në Mitrovicë të Jugut, sekuestron sasi të kokainës dhe marihuanës

Policia e Kosovës, konkretisht Hetues të Drejtorisë së Hetimit të Trafikimit të Narkotikëve në Mitrovicë-Jug, pas pranimit të disa informacioneve nga terreni, kanë ndërmarrë veprime për të hetuar një rasti specifik.

Në asistim të një patrulle policore pranë Stacionit Policor në Mitrovicë-Jug, ata kanë realizuar një kontroll të detajuar në një shtëpi dhe objektet përcjellëse në Fshatin Rekë.

Gjatë kontrollit, si prova materiale janë sekuestruar:

8 qese me substancë të dyshuar narkotike të llojit kokainë, me peshë totale prej 8.8 gram.

75 qese me substancë narkotike të llojit marihuanë, me peshë totale prej 106.3 gram.

17 fara të bimëve narkotike Kanabis Sativa.

8 fishekë të kal. 7.92×57.

1 peshore digjitale.

1 mulli për bluarjen e marihuanës.

1010 euro para të gatshme.

Në vendin e ngjarjes ka dalë Krimteknika Rajonale, e cila ka realizuar fotografimin, evidentimin, matjen dhe sekuestrimin e dëshmive.

Gjatë kontrollit, i dyshuari nuk ka qenë i pranishëm në shtëpi, por i është lënë ftesë që të paraqitet në Polici për t’u marrë në pyetje.

Lidhur me këtë rast, është informuar Prokurori Kujdestar pranë Prokurorisë Themelore në Mitrovicë – Departamenti i Krimeve të Rënda.

Hetimi për këtë rast është duke u kryer nga antidroga Mitrovicë-Jug në bashkëpunim me organet e drejtësisë.