14 minuta më parëKomisionarja për Zgjerim në BE kërkon hetime për dhunën ndaj protestuesve në Serbi
Periskopi(një vit më parë)
(një vit më parë)Komisionarja për Zgjerim në Bashkimin Evropian, Marta Kos, ka kërkuar dialog gjithëpërfshirës në Serbi dhe hetime të pavarura për sulmet ndaj protestuesve. Tre muaj pas shembjes tragjike të një strehe në Stacionin Hekurudhor të Novi Sadit, ku humbën jetën 15 persona, protestat studentore vazhdojnë, të mbështetura edhe nga qytetarë të tjerë. Sipas Qendrës për Gazetari […]
Komisionarja për Zgjerim në Bashkimin Evropian, Marta Kos, ka kërkuar dialog gjithëpërfshirës në Serbi dhe hetime të pavarura për sulmet ndaj protestuesve.
Tre muaj pas shembjes tragjike të një strehe në Stacionin Hekurudhor të Novi Sadit, ku humbën jetën 15 persona, protestat studentore vazhdojnë, të mbështetura edhe nga qytetarë të tjerë. Sipas Qendrës për Gazetari Hulumtuese (CINS), që nga fillimi i protestave janë regjistruar mbi 50 sulme ndaj studentëve.
Në një letër publike, Komisionarja për Zgjerim në Bashkimin Evropian, Marta Kos theksoi se vlerat evropiane duhet të respektohen dhe se reformat për integrimin e Serbisë në BE janë kyçe për forcimin e demokracisë, luftën kundër korrupsionit dhe garantimin e pavarësisë së gjyqësorit. Ajo nënvizoi se përparimi drejt BE-së do të ndihmojë në forcimin e lirisë së mediave dhe përmirësimin e kushteve për zgjedhje të drejta.
“Rruga drejt anëtarësimit në BE përfshin reformat, të cilat janë pjesë e vlerave tona të përbashkëta dhe praktikës. Rruga e Serbisë drejt Bashkimit Evropian ofron zgjidhje për shumë çështje të cilat janë në zemër të diskutimeve të sotme. Reformat që janë pjesë e procesit të integrimit në BE do të forcojnë luftën kundër korrupsionit, sigurojnë pavarësinë e gjyqësorit dhe përgjegjësinë e institucioneve. Duhet theksuar se përparimi drejt BE-së do të promovojë dhe lirinë e mediave dhe përmirësimin e kushteve për zhvillimin e zgjedhjeve”, tha Marta Kos.
