6 orë më parëKombëtarja vazhdon përgatitjet në Kaiserau, Asani: E kemi analizuar Spanjën, do të japim maksimumin
Periskopi(2 vite më parë)
(2 vite më parë)Kombëtarja shqiptare e futbollit zhvilloi sot një seancë stërvitore në Sportzentrum Kaiserau, ndërsa përgatitjet për ndeshjen e ardhshme kundër Spanjës po vazhdojnë me intensitet. Lajmet e fundit nga kampi shqiptar janë inkurajuese, pasi nuk ka asnjë lëndim serioze që të ndikojë në performancën e skuadrës. Mihaj pati një goditje të lehtë, por u stërvit bashkë […]
Kombëtarja shqiptare e futbollit zhvilloi sot një seancë stërvitore në Sportzentrum Kaiserau, ndërsa përgatitjet për ndeshjen e ardhshme kundër Spanjës po vazhdojnë me intensitet.
Lajmet e fundit nga kampi shqiptar janë inkurajuese, pasi nuk ka asnjë lëndim serioze që të ndikojë në performancën e skuadrës. Mihaj pati një goditje të lehtë, por u stërvit bashkë me pjesën tjetër të skuadrës, ndërsa Rey Manaj, i cili u stërvit vetëm të premten, është kthyer plotësisht me grupin.
Sulmuesi Jasir Asani, duke folur për faqen zyrtare të UEFA-s tha se, “kemi luajtur kundër dy kundërshtarëve të fortë Italisë dhe Kroacisë. Ata luajnë futboll të nivelit të lartë, dhe Spanja gjithashtu ka talent të madh. Ne kemi mësuar shumë si ekip në EURO 2024, sepse këto janë ndeshje që mund të na përmirësojnë si lojtarë,” tha Asani.
Ai theksoi se skuadra ka analizuar dhe studiuar lojën e Spanjës me kujdes. “Ne e kemi analizuar Spanjën dhe e kemi studiuar. Nuk kemi asgjë për të humbur, kështu që do të përpiqemi të bëjmë maksimumin dhe të marrim tre pikë, edhe nëse kjo do të jetë një kërkesë e madhe. Nëse kemi pak fat, ne mund ta bëjmë,” shtoi ai.
Asani gjithashtu ndau një detaj interesant mbi atletet e tij të veçanta, të frymëzuara nga Super Mario. “Këto atlete i kam bërë gjashtë apo shtatë muaj më parë, por i kam mbajtur për një rast të veçantë. Nuk i kam përdorur kundër Italisë, ndaj më është dashur t’i përdor kundër Kroacisë. Doja të kisha një dizajn qesharak, kështu që zgjodha Super Marion, ndoshta atletet e mia janë më të famshme në EURO se unë tani!”
Ndeshja kundër Spanjës do të jetë një sfidë e rëndësishme për Shqipërinë, por me përkushtimin dhe përgatitjen e duhur, ekipi shpreson të tregojë një performancë të fortë dhe të luftojë për një rezultat pozitiv.
Shqipëria luan ndaj Spanjës të hënën në orën 21:00 në Dyseldorf, për të shpresuar në një rezultat pozitiv që do të thoshtë kalim i fazës së grupeve për herë të parë në histori.
