Një muaj paraburgim ndaj zyrtarit policor që dyshohet për marrje ryshfeti

Gjykata Themelore në Prishtinë ka vendosur masën prej një muaji paraburgim ndaj të dyshuarit, B.H, zyrtar policor.

Në njoftimin e gjykatës thuhet se personi në fjalë dyshohet për marrje ryshfeti.

“Gjyqtari i  Procedurës Paraprake ka aprovuar kërkesën e Prokurorisë Themelore në Prishtinë dhe të pandehurit B.H iu është caktuar masa e paraburgimit në kohëzgjatje prej një muaj, masa e paraburgimit është caktuar në kuptim të nenit  184 paragrafi 1, nën paragrafi 1.1 dhe 1.2 , pika 1.2.1, 1.2.2 dhe 1.2.3 të KPPRK-së”, thuhet në njoftim.