Ish-ambasadori shqiptar në ShBA: Albin Kurti është anti-kombëtar

Kështu tha Tarifa gjatë një intervistë në RTSh, që të plotë, mund ta dëgjoni në linkun më poshtë:

“Përsëri besoj se populli i Kosovës, qytetarët e Kosovës, nuk mund të jenë amerikanë, por si të thuash në ADN-në e tyre politike ata janë amerikanë, pro amerikanë.

Qëndrimet e Kurtit s’i kam kuptuar asnjëheë deri më sot dhe prapë s’i kuptoj.

Madje në një libër publikisht kam thënë që veprimet janë anti kombëtare, nuk janë kombëtare.

Premtimet e tij euforike, qenë të tilla që qenë të paarsyeshme, jo të realizueshme dhe qëndrimet që ka mbajtur duke mos dëgjuar amerikanët, e kanë dëmtuar çështjen e Kosovës në arenën ndërkombëtare.

Unë besoj se me demagogjinë është prototip i një politikani demagog, ai ka sjell një dëm të madh lëvizjes së shqiptarëve në Ballkan, vetë ecurisë së Kosovës në Ballkan, po të shohësh lëvizjet dhe reagimet e opozitës që ka ndaj tij, ndërhyrjet e tij pa takt, pa moral në zgjedhjet në Shqipëri, në Maqedoninë e Veriut, është i papjekur për mua, një politikan i pamaturuar dhe shumë i dëmshëm për çështjen shqiptare”, tha ai./Periskopi