Kurti: Në vend që të hetohej për Banjskën, Radoiçiq merr pjesë në rrahjen e Sanduloviqit

Kryeministri Albin Kurti, në mbledhjen e qeverisë ka folur rreth arrestimit të kryetarit të Partisë Republikane Serbe, Nikola Sanduloviq dhe rrahjes së tij prej tyre.

Kurti ka thënë se në rrahjen e Sanduloviq ka marrë pjesë edhe organizatori i sulmit agresor në Banjskë të Zvecanit më 24 shtator.

“Serbia është vendi ku Radoiçiq, përgjegjës për sulmin në Banjskë, në vend që të përgjigjet para autoriteteve të vendit, merr pjesë në rrahjen brutale të Sanduloviqit”.

“Kështu është rasti, ku krahas torturave, shteti serb ka zgjedhur që të ngrit aktakuzë ndaj tij pas homazheve që bëri në Prekaz të varri i Blerina Jasharit. Kjo flet për mendësinë që fqinj ynë kultivon brenda vetes. Veprimet antidemokratike e pasqyrojnë realitetin e hidhur atje”, ka thënë Kurti ndër të tjera.