6 orë më parëFutbollisti i Nice dënohet me 8 muaj burg dhe gjobitet me 45 mijë euro për nxitje të urrejtjes fetare
Periskopi(2 vite më parë)
(2 vite më parë)Youcef Atal është dënuar nga tribunali penal i Nices me 8 muaj burgim dhe është gjobitur me 45 mijë euro. Mbrojtësi i djathtë i skuadrës së drejtuar nga trajneri Farioli është shpallur fajtor për “nxitje të urrejtjes me motive fetare” pasi e kishte shpërndarë një video e cila bënte thirrje për “një ditë të zezë […]
Youcef Atal është dënuar nga tribunali penal i Nices me 8 muaj burgim dhe është gjobitur me 45 mijë euro.
Mbrojtësi i djathtë i skuadrës së drejtuar nga trajneri Farioli është shpallur fajtor për “nxitje të urrejtjes me motive fetare” pasi e kishte shpërndarë një video e cila bënte thirrje për “një ditë të zezë për hebrenjtë”, me një prapavi të konfliktit mes Izraelit dhe Hamasit në Gaza.
Ai madje duhet të paguajë edhe për publikimin e dënimit në “Nice-Matin” e “Le Monde”, përcjell “Gazeta Express”.
Sipas mediumit “RMC Sport”, vendimi i gjykatës madje ishte i butë në krahasim me ato që parashikonin kërkesat për dënim.
Atal aktualisht është i grumbulluar me Kombëtaren e Algjerisë, me të cilën do të luajë në Kupën e Afrikës, por ishte edhe në kohën kur e kishte shpërndarë videon e predikuesit Mahmoud në Instagram, ku e posedon një llogari të ndjekur nga më shumë se 3 milionë persona.
