14 minuta më parëPas sulmit në Banjskë, shtohen lëvizjet e tankeve serbe në Luginë të Preshevës
Periskopi(3 vite më parë)
(3 vite më parë)Pas sulmit të grupit terrorist serb në Banjskë të Zveçanit, është shtuar edhe frika e shqiptarëve në Luginë të Preshevës. Kryetari i Këshillit Nacional Shqiptar, Nevzad Lutfiu, të premten në një intervistë, tha se nga shumë shqiptarë andej po konsiderohet se Serbia mund t’u hakmerret tash shqiptarëve në Luginë. Ai madje përmendi edhe faktin që […]
Pas sulmit të grupit terrorist serb në Banjskë të Zveçanit, është shtuar edhe frika e shqiptarëve në Luginë të Preshevës.
Kryetari i Këshillit Nacional Shqiptar, Nevzad Lutfiu, të premten në një intervistë, tha se nga shumë shqiptarë andej po konsiderohet se Serbia mund t’u hakmerret tash shqiptarëve në Luginë.
Ai madje përmendi edhe faktin që presidenti serb, Aleksandër Vuçiq, në paraqitjet e tij publike, ka përmendur në dy raste Medvegjën dhe Preshevën.
Sipas Lutfiut, ky është një mesazh që mund të nxisë bastisje apo edhe aksione të ndonjë terroristi edhe andej.
Luftiu, në Klan Kosova, përmendi edhe faktin që pas aksionit terrorist në veri të Kosovës, janë shtuar lëvizjet e ushtrisë serbe në komunat me shumicë shqiptare në Serbi.
Kryetari i KNSh-së, shtoi se forcat ushtarake bashkë me tanke po shihen edhe gjatë ditës duke lëvizur e duke shkuar te kampi ushtarak që gjendet mbi fshatin Somolicë të Komunës së Bujanocit.
