Tahiri: Qeveria po mundohet me ligje të ndikojë në institucionet e pavarura

Përveç këtyre çështjeve ai ka folur edhe për paralajmërimin e dy seancave që do të mbahen në ditët në vijim: ajo për Ligjin për pagën minimale në Kushtetuese, si dhe për mocionin për rrëzimin e Qeverisë Kurti.

Deputeti Tahiri lidhur me mbajtjen e seancës së radhës që do të mbahet të enjten, tha se në përmbylljen e punës së Kuvendit në sesionin pranveror, mezi është krijuar kuorumi  në Kryesinë e Kuvendit për të mundësuar mbetjen e seancës për të enjten, ngase, siç u shpreh ai, për katër javë rresht nuk ka pasur kuorum.

“Në sesionin pranveror, mund të them se ajo që e përshkruan aktivitetin në këtë sesion është mospuna e Qeverisë, që ka ndikuar shumë në agjendën legjislative por edhe në ligjet themelore që është dashur të aprovohen në Kuvend. Dhe në historinë politike të Kosovës kemi për herë të parë që në Kuvendin e Kosovës të kemi një fuqi politike parlamentare që i ka pasur në secilin moment 61 vota, që është dashur të zgjidhen shumë probleme në shoqëri që nuk ka ndodhur”, deklaroi Tahiri.

Tahir vlerësoi se sesioni pranveror ka qenë një dështim, që, siç tha ai, në sesionin vjeshtor duhet përmirësuar.

Lidhur me mbajtjen e seancës së radhës ku do të trajtohet mocioni për rrëzimin e Qeverisë Kurti, ndërsa shoqatat e OVL UÇK-së kanë deklaruar në pengimin e hyrjes në Kuvend të deputetëve, Tahiri tha se miratimi i ligjeve do të duhej që të kenë ndikim në përmirësimin e jetëve të qytetarëve,m që nuk po duket, derisa shtoi se Ligji për pagën minimale mund të jetë gjithçka, vetëm jo ligj për pagën minimale, derisa sqaroi dallimet e pagës minimale me pensionin e veteranëve të UÇK-së, ku sipas tij Qeveria ka bërë dallime në mënyrë të kundërligjshëm e kundër kushtetues.

“Kjo qeveri po mundohet që me ligje ta shtyjë ndikimin politik në institucionet e pavarura”, deklaroi Tahiri.