Ramabaja në habitatin e vet: Zhvillimi ekonomik në Kosovë është në maje të piramidës

Sadri Ramabaja, opinionit në Pressing të T7, ka folur për Qeverinë e Albin Kurtit duke iu referuar matjeve të ”Balkan Barometer 2023”.

Aty, kënaqshmëria ndaj qytetarëve ishte 51.50 për qind.

Ramabaja referuar të dhënave të Bankës Botërore, tha se zhvillimi ekonomik është 4.8%.

Ai tha se ky është zhvillimi më i lartë në Ballkanin Perëndimor.

”Të dhënat bankare flasin ndryshe, zhvillimi ekonomik i Kosovës është në majën e piramidës së zhvillimit të shteteve të Ballkanit Perëndimor. 4.8% zhvillim ekonomik, ndërkaq vendet e rajonit nën 4%. Tash me cilën matematikë duhet ta llogarisim, me matematikën e Bankës Botërore, apo me matematikën e Gadimës, ose të katunit tim të Ramabajës që mos të keqkuptohemi”, ka thënë ai.

Sipas tij, kur jemi tek të dhënat duhet të jemi me objektivë, teksa meritat ia atribuoi Qeverisë Kurti.