Shenjat e granatës nga shpërthimi i mbrëmshëm, në oborrin e Komunës së Mitrovicës së Veriut

Nga granata e hedhur, nuk u lënduan njerëz porse u shkaktua dëme në dy vetura zyrtare.

KOHA ka qëndruar gjatë ditës atje dhe ka parë vendin ku është hedhur mjeti shpërthyes.

Ende nuk ka asnjë të arrestuar lidhur me rastin, por organet e rendit kanë deklaruar se përgjegjësit e këtij sulmi do të sillen para drejtësisë.

Rastin e ka dënuar edhe kryeministri Albin Kurti, i cili i ka bërë thirrje Serbisë që t’i ndalë sulmet që nxisin tensionim të situatës, para se të ketë humbje jete.