12 minuta më parëKuçi: Në veri s’ka sovranitet, policët tanë i ruan KFOR-i
Periskopi(3 vite më parë)
(3 vite më parë)Zëdhënësja e Partisë Socialdemokrate, Natyra Kuçi, ka thënë se në veri të Kosovës nuk ka sovranitet dhe se policët kosovarë i ruan misioni i NATO-s në Kosovë, KFOR. Ajo ka thënë se po të mos ketë trupa të KFOR-it në Kosovë, kryeministri Albin Kurti do ta ketë të pamundur shtrirjen e sovranitetit në këtë zonë […]
Ajo ka thënë se po të mos ketë trupa të KFOR-it në Kosovë, kryeministri Albin Kurti do ta ketë të pamundur shtrirjen e sovranitetit në këtë zonë të Kosovës.
“Policët tanë (V.J. në veri) i ruan KFOR-i, s’ka sovranitet aty. Në momentin që KFOR-i shkon, Albin Kurti nuk mund ta shtrijë sovranitetin. Ajo pjesë nuk është që Kurti e ka në kontroll”, ka thënë ajo në KTV.
Kuçi më tej ka thënë se qëllimi i Kurtit është ta zbatojë autonominë apo Asociacionin.
“Qëllimi përfundimtar është zbatimi i autonomisë ose i Asociacionit, ose i Marrëveshjes së Ohrit, qyshdo që e quajmë dhe në fund meritat do t’i mveshen Albin Kurtit”, është shprehur ajo.
Zëdhënësja e PSD-së ka akuzuar opozitën se po bie në hegjemoninë e pushtetit.
“Kemi tentuar që partitë opozitare t’i parandalojmë që mos të bien në hegjemoninë e pushtetit. Këta me diskursin e tyre kanë rënë, petkun moral ua ka marrë Albin Kurti. Nuk po ndihen të denjë për të kritikuar duke u arsyetuar për të kaluarën e tyre. Sikurse këta vërtetë qenkan të padenjë për ta kritikuar Albin Kurtin, ndihen inferiorë ndaj tij”, ka theksuar ajo. /koha.net
