Dy persona të armatosur tentojnë t’i rrëmbejnë vajzën dhe partneren e Neymarit

Shtëpia e së dashurës së Neymarit ka rënë pre e grabitjes mbrëmjen e djeshme në San Paulo të Brazilit.

Mediat e huaja shkruajnë se dy persona të armatosur kanë hyrë në shtëpinë e Bruna Biancardit dhe kanë tentuar ta rrëmbejnë edhe foshnjën njëmuajshe të modeles dhe të futbollistit të njohur brazilian.

Në shtëpi kanë qenë vetëm prindërit e modeles, të cilëve grabitësit u morën sende me vlerë.

Fatmirësisht nuk raportohet për të lënduar, përcjell Albeu.

Ngjarja po hetohet si tentativë rrëmbimi, ndërsa dyshohet se 2 personat e armatosur janë ndihmuar nga një i tretë i cili ishte banor i zonës.

Neymar aktualisht ndodhet në Arabinë Saudite pasi nënshkroi për Al-Hilal në gusht, por u lëndua dhe do të mungojë gjatë.