Trajneri i Çekisë: Në Shqipëri luajmë për gjithçka, është e vështirë por duam fitore atje

Mirëpo, trajneri çek insiston se skuadra e tij do ta kërkojë fitoren kundër Kuqezinjve për ta marrë primatin në grup.

Aktualisht, “Shqiponjat” prijnë me 10 pikë, dy më shumë se çekët, të cilët e kanë një ndeshje më pak të zhvilluar.

E ajo e 12 tetorit po konsiderohet si më e rëndësishmja për të dyja Kombëtaret, në garë për t’u kualifikuar në Euro 2024.

“Ne jemi optimistë, besojmë se mund t’ia dalim mbanë. Është një fakt i mirë që të gjithë lojtarët tanë janë në formë. Nuk dua të bëj ndryshime menjëherë në çdo takim. Ne e dimë se çfarë na pret atje”, theksoi fillimisht Silhavy.

“Kemi disa informacione nga polakët që humbën 0-2. E pamë ambientin, shqiptarët kanë shumë temperament. Shkojmë atje për fitore”, vazhdoi selektori i çekëve

“Ndeshja në Shqipëri ndoshta do të jetë shumë më e vështirë se ajo që e kishim në shtëpi me ta. E kemi bërë vetë të vështirë, por besoj se mund t’ia arrijmë qëllimit kur bëhet fjalë për të luajtur për gjithçka”, përfundoi Silhavy.

Selektori çek e zbuloi sot edhe listën e futbollistëve të ftuar për ndeshjet e tetorit, ku u pa mungesa e sulmuesit të rëndësishëm, Patrick Schick.