14 minuta më parëOsmani për televizionin kroat: Sulmi në Banjskë plan i Vuçiqit për destabilizimin e gjithë Ballkanit Perëndimor
Periskopi(3 vite më parë)
(3 vite më parë)Presidentja e vendit, Vjosa Osmani nga Kroacia ku po qëndron për vizitë zyrtare ka folur për zhvillimet e fundit të veri të Kosovës, ku më 24 shtator një rreshter policor mbeti i vrarë, si pasojë e një sulmi terrorist. Osmani tha se prapa këtij sulmi qëndron shteti serb, që për qëllim thotë ajo, kishte aneksimin […]
Osmani tha se prapa këtij sulmi qëndron shteti serb, që për qëllim thotë ajo, kishte aneksimin e pjesës veriore të Kosovës, dhe jo vetëm. Osmani thotë se po të funksiononte plani i Serbisë, pasojat do të ndiheshin në të gjithë rajonin e Ballkanit Perëndimor.
Presidentja në një intervistë për televizionin kroat HRT thotë se zingjiri i provave të çon tek ushtria serbe dhe vetë Vuçiqin duke ditur edhe lidhjet e tij me Milan Radoiçiqin.
“Po. Është një akuzë e rëndë ose një akt i rëndë. Është një akt që synon aneksimin e pjesës veriore të Kosovës dhe nuk do të ndalej me kaq, por do të destabilizonte të gjithë rajonin e Ballkanit Perëndimor. Në të vërtetë, ligjet për të cilat flas janë të qarta. Shteti serb ka kohë që e financon hapur Brigadën e Veriut dhe mbrojtjen civile, sidomos muajt e fundit. Stërvitja e tyre u zhvillua në objektet dhe bazat ushtarake serbe, në livadhet e Pasuljanskit dhe në baza të tjera ushtarake. Për këtë ka dokumentacion dhe material të regjistruar. Industria ushtarake serbe prodhoi armët që ne i konfiskuam, të cilat i përkisnin Brigadës së Veriut dhe mbrojtjes civile, pasi më parë i përkisnin vetë ushtrisë serbe. Prandaj, zinxhiri i provave të çon në ushtrinë serbe. Për më tepër, vetë Vuçiq është i lidhur me Milan Radoiçiqin, i cili është lideri i atij sulmi terrorist.
E pyetur rreth komentit të saj se megjithatë Përfaqësuesi i Lartë i BE-së për Punë të Jashtme, Josep Borrell, flet për dhënien e autonomisë më të madhe serbëve në Kosovë, Osmani thotë se kjo nuk u dakordua në Bruksel, dhe Bashkimi Evropian nuk duhet të heshtë për atë që ndodhi më 24 shtator.
“Kjo nuk u ra dakord në Bruksel. Ajo që është objekt i marrëveshjes së Ohrit dhe Brukselit është një e drejtë e caktuar e vetëqeverisjes së popullit serb dhe për disa parime janë rënë dakord, para së gjithash me partnerin tonë kryesor, me SHBA-në, që dikton që kushtetuta e Kosovës duhet të respektohet para së gjithash, dhe parimet janë të tilla që serbët mund ta ushtrojnë atë të drejtë. Kjo nuk do të thotë që ne duhet të pretendojmë se nuk ka ndodhur asgjë dhe Bashkimi Evropian nuk duhet të heshtë për atë që ndodhi më 24 shtator”, është shprehur Osmani. /reporteri.net
