2 minuta më parëLiderët e SHBA-së, Britanisë së Madhe, Gjermanisë dhe Francës diskutojnë sonte për Izraelin dhe Gazën
Periskopi(3 vite më parë)
(3 vite më parë)Liderët e Shteteve të Bashkuara, Britanisë së Madhe, Francës dhe Gjermanisë pritet të diskutojnë këtë mbrëmje me video-lidhje për situatën në Izrael dhe territoret palestineze, tha kancelari gjerman Olaf Scholz. “SHBA, Britania, Franca dhe Gjermania bien dakord se kjo nuk duhet të bëhet një zjarr në rajon. Kjo është arsyeja pse askush nuk duhet të […]
Liderët e Shteteve të Bashkuara, Britanisë së Madhe, Francës dhe Gjermanisë pritet të diskutojnë këtë mbrëmje me video-lidhje për situatën në Izrael dhe territoret palestineze, tha kancelari gjerman Olaf Scholz.
“SHBA, Britania, Franca dhe Gjermania bien dakord se kjo nuk duhet të bëhet një zjarr në rajon. Kjo është arsyeja pse askush nuk duhet të vazhdojë të nxisë terrorin në këtë situatë”, u tha Scholz gazetarëve në qytetin gjerman Hamburg.
Scholz qëndroi pranë presidentit francez Emmanuel Macron, i ftuar në portin verior gjerman për një takim të përbashkët të qeverive të dy vendeve, transmeton Telegrafi.
Macron shprehu “solidaritetin e tij total” me popullin izraelit dhe tha se foli sërish këtë mëngjes me kryeministrin izraelit Benjamin Netanyahu.
“Gjermania dhe Franca qëndrojnë pranë popullit izraelit në këtë moment tragjik. Lufta kundër terrorizmit është një qëllim i përbashkët që ne do të vazhdojmë ta ndjekim me Izraelin dhe aleatët tanë. Asgjë nuk e justifikon, asgjë nuk e shpjegon”, tha Macron.
Zyra e presidentit francez njoftoi më vonë se kryeministrja italiane Giorgia Meloni do t’i bashkohej gjithashtu ftesës si pjesë e të ashtuquajturit Quint, një grup jozyrtar i përbërë nga SHBA, Britania e Madhe, Franca, Gjermania dhe Italia.
