Zyba: Njohja e Kosovës nga Serbia, qëllim kryesor i Qeverisë Kurti

Deputeti i partisë në pushtet, Salih Zyba ka thënë se qëllimi kryesor i Qeverisë Kurti për marrëveshjen finale me Serbinë, është njohja e Kosovës në qendër.

Ai tha se ka unifikim të madh të spektrik ndërkombëtarë që të arrihet një marrëveshje mes dy shteteve, dhe ajo sipas tij, nuk është shumë larg.

“Përafërsisht dinamika e dfialogut është paralajmëruar për fillim të këtij viti. Qëndrimi i organizatës sonë dihet. Njohja dhe barazia ndërshtetërore, me marrëveshje finale. Tash mbetet zotimi, dhe garancionet ndërkombëtare. Sipas planit franko-gjerman të prezantuar deri më tash, ka unifikim më të madh të spektrik ndërkombëtar. Kjo nënkuptun që nuk është larg mundësive edhe realiteti që Kosova edhe të njihet nga Serbia. Qëllim është njohja dhe rregullimi i raporteve, por nuk është obligim dhe kusht. Mirëpo, nuk është përfunduar gjithcka. Parakusht është barazia.”, tha Zyba në Prime Time.