3 minuta më parëTragjedia ajrore/ 14 të vdekur nga rrëzimi i helikopterit, Kyivi nis hetimet
Periskopi(3 vite më parë)
(3 vite më parë)Një hetim është duke u zhvilluar pasi një helikopter u rrëzua në mjegull pranë një çerdheje jashtë Kyivit dje, duke vrarë 14 persona, përfshirë ministrin e Brendshëm të Ukrainës. Përplasja shkaktoi një zjarr të madh dhe një anë e ndërtesës së çerdhes u shkatërrua. Guvernatori i rajonit të Kyivit tha se fëmijët dhe stafi kishin qenë […]
Përplasja shkaktoi një zjarr të madh dhe një anë e ndërtesës së çerdhes u shkatërrua. Guvernatori i rajonit të Kyivit tha se fëmijët dhe stafi kishin qenë në çerdhe kur avioni u përplas me një ndërtesë në Brovary, në verilindje të kryeqytetit. Presidenti Volodymyr Zelensky e quajti aksidentin një “tragjedi të tmerrshme” dhe ka bërë thirrje për një hetim penal, raporton Sky News.
“SBU (Shërbimi Ukrainas i Sigurisë) ka nisur një hetim penal për këtë ngjarje të tmerrshme”, tha ai në fjalimin e tij të natës.
“Kam udhëzuar kreun e shërbimit të sigurisë të Ukrainës, në bashkëpunim me të gjitha organet e tjera të autorizuara, për të sqaruar të gjitha rrethanat e fatkeqësisë.”
Ai tha gjithashtu se Ukraina kishte “humbur njerëz që ishin profesionistë, patriotë dhe udhëheqës të besueshëm”. Ministri i Punëve të Brendshme Denys Monastyrskyi, zëvendësi i tij i parë Yevhen Yenin dhe sekretari i shtetit i ministrisë Yurii Lubkovych janë midis të vdekurve.
