Man United vetëm barazon me Crystal Palace në Premierligë

Manchester United me në fund është ndaluar.

Djajtë e Kuq kanë barazuar sonte në Selhurst Park me skuadrën jo në formë të Crystal Palace.

Marcus Rashford do të sulmonte për herë të parë për mysafirët në minutën e tetë të ndeshjes por që goditja e tij u bllokua nga mbrojtja e Crystal Palace.

Rasti i dytë për United erdhi në minutën e 16 kur Luke Shaw krosoi të Aaron Wan-Bissaka i cili goditi me fuqi por topi përfundoi shumë afër shtyllës së djathtë pingule të portës së Crystal.

Shaw do të rrezikonte përsëri me një krosim për sulmuesin Weghourst por goditja e tij me kokë nuk ishte e saktë.

Crystal Palace pati mundësinë më të mirë për të shënuar në minutën e 41-të por goditja e Edouard përfundoi mbi portë.

Goli për United do të vinte në minutën e 44-të të pjesës së parë. Christian Eriksen bëri një pasim në zonë për Bruno Fernandes i cili bëri një goditje të fortë me të djathtën e tij për të shënuar për rezultat 0-1.

Manchester United ishin më të mirë edhe në pjesën e dytë.

Në minutën e 72-të u besua që ata fituan penallti pasi që Scott McTominay u pengua në zonë por edhe pasi ajo u rishikua në VAR nuk ju dha Djajve të Kuq.

Minuta e 75-të ishte drithëruese për United pasi që Marc Guehi i cili tentoi të shënonte gol nga goditja nga këndi por portieri de Gea bëri një pritje brilante të kësaj goditje.

Në minutat e fundit skuadra londineze bënte sulme më të shpeshta dhe në fund arriti që ta barazoi rezultatin në minutën e parë shtesë të ndeshjes.

Michael Olise (Crystal Palace) shënoi nga goditja e lirë jashtë zonës duke bërë një gol të bukur dhe barazuar rezultatin derisa portieri nuk pati asnjë mundësi për ta mbrojtur atë.

Barazimi bën që United të këtë pikë të barabarta me Manchester City që janë në vendin e dytë me 39 sish, derisa ndeshja e radhës e Djajve të Kuq është kundër liderit Arsenalit që është tetë pikë para tyre dhe me një ndeshje më pak të zhvilluar.

Crystal Palace ngritët në vendin e 12 me 23 pikë, duke bërë që të largohet sado pak nga zona e rënies nga Premier Liga. Ndeshja e radhës e Crystal Palace është në shtëpi kundër vendit të katër Crystal Palace, ndeshje e cila do të zhvillohet këtë të shtunë.