9 orë më parëFlasin nga klubi i Dritës: Përmbajtja e Statutit të FFK-së është skandaloze
Periskopi(3 vite më parë)
(3 vite më parë)Draft-Statuti i përgatitur nga Federata e Futbollit e Kosovës (FFK) për ta fuqizuar përmes Kuvendit të Jashtëzakonshëm të thirrur për datën 27 janar, e ka befasuar për të keq Dritën, e cila haptazi thotë se nuk do ta votojë. Sipas këtij draft-Statuti, kryetarit aktual Agim Ademi, pasi t’i skadojë mandati në vitin 2026, do t’i […]
Sipas këtij draft-Statuti, kryetarit aktual Agim Ademi, pasi t’i skadojë mandati në vitin 2026, do t’i hapet rruga të kandidojë përsëri dhe ta mbajë pozitën e presidentit me dekada, ndonëse me Statutin aktual kryetari i FFK-së mund t’i fitojë tri mandate.
Ky ndryshim vlen edhe për Komitetin Ekzekutiv, të cilit mandati i skadon në vitin 2024 pasi janë zgjedhur në vitin 2020. Por, me këtë draft-Statut, këtij organi i zgjatet mandati edhe për dy vjet, deri në vitin 2026, pa zgjedhje. Ndërkohë, janë evidentuar edhe përmbajtje tjera kontroverse të këtij draft-Statuti.
E, për klubin e madh të Superligës, ish kampionen Drita, ky draft-Statut është skandaloz. Drejtori sportiv i klubit të madh gjilanas, Valon Zymberi, thotë se klubi bardh e kaltër ka mbetur i shokuar me përmbajtjen e këtij draft-Statuti.
“E kemi parë pak a shumë. Dje e kemi marrë, pasdite. Ajo përmbajtje ish një skandal i vërtetë. Pyetja është a ka dikush që e voton atë draft-Statut ashtu, me atë përmbajtje. Më mirë me i zgjedh të përjetshëm. Zgjedhjet duhet me qenë demokratike. Ne e kemi pranuar draft-Statutin. Nga ajo që kemi vërejt ka shumë parregullsi. Ia kemi dhënë avokatit të klubit. Në pika të trasha shihet që ka shumë parregullsi, por e presim përgjigjen prej avokatit”, tha për Express Zymberi.
Sot edhe Trepça ’89 përmes kryetarit Abedin Zeka reagoi, duke thënë se nuk do ta votojë këtë draft-Statut dhe për FFK-në theksoi se po sillet si në Korenë e Veriut apo në Rusi, vende të njohura për imponime e diktaturë.
