Në 7-mujorin e fundit, 400 infermierë janë larguar nga Kosova

Ka thënë se vetëm në 7-mujorin e fundit, 400 infermierë janë larguar nga Kosova.

Ai në Interaktiv të KTV-së ka thënë se që nga paslufta infermierët janë të përjashtuar nga çdo vendimmarrje.

Duraku ka thënë se qytetarët janë të kënaqur me punën dhe performancën e infermierëve në baza ditore.

“Ajo që na shqetëson neve është injorimi total nga institucionet tona. Vazhdimisht kemi deponuar kërkesat tona legjitime në të gjitha institucionet e Kosovës. Vetëm në 7-mujorin e fundit, 400 infermierë e kanë lënë vendin. Këtu nuk hyjnë edhe infermierët që e kanë lëshuar përmes kanaleve tjera”, ka thënë ai.

Ai ka thënë se në tërësi janë 8 mijë infermierë të punësuar në gjithë Kosovën.

Duraku ka thënë se është shtuar interesimi i studentëve në infermieri, porse sipas tij, ky interesim lidhet me marrjen e vizave për në vendet e Evropës.

Sipas tij, arsyet kryesore janë ato ekonomike. Thotë se ka infermierë që janë detyruar të marrin një punë të dytë vetëm për t’i përmbushur nevojat e tyre.

“Që nga viti 2018 në vazhdimësi kemi përsëritur kërkesat e njëjta duke filluar nga një pagë dinjitoze. Kërkesat tona nuk janë marrë për bazë asnjëherë. Ne kemi pasur shpresa të mëdha te ministri aktual. Mirëpo ne jemi të zhgënjyer me të. Vetëm një takim kemi pasur me ministrin Rifat Latifi. Ai është treguar i sinqertë dhe na ka thënë që nuk mund të na ndihmojë asgjë”, ka thënë ai.

t Duraku ka thënë se komisionet disiplinore vlojnë nga infermierët për shkak të penalizimeve nga ana e menaxherëve.

Ai ka thënë se një infermier paguhet vetëm 18 euro për një ndërrim nate, ndërkaq komunitetet tjera 1000 për qind ma shumë.

Sipas tij, Kosova po e merr epitetin e eksportuesit të infermierëve.

Ai ka thënë se vetëm në QKUK duhen 500 infermierë për të mbushur boshllëkun.