Lavrov: Vuçiq dhe Putin flasin në telefon, koordinojnë hapat për të ardhmen

Ai shtoi se presidentët Aleksandar Vuçiq dhe Vladimir Putin po flasin në telefon, duke “krahasuar qëndrimet e tyre dhe për të koordinuar hapat për në të ardhshëm”, transmeton N1 .

Duke komentuar mosardhjen e tij në Beograd në qershor, ministri rus tha se “ata që e pamundësuan me urdhër të “bosëve” të tyre duhet të kuptojnë se “djallëzitë” e tyre nuk mund të tronditin marrëdhëniet ruso-serbe”.

Në njoftimin për shtyp të Ministrisë së Punëve të Jashtme të Rusisë, thuhet se Lavrov dhe Vulin diskutuan për çështjet e bashkëpunimit dypalësh dhe rajonal, për angazhimin e ndërsjellë për forcimin e mëtejshëm të partneritetit strategjik dhe koordinimin e ngushtë të përpjekjeve për forcimin e stabilitetit dhe sigurisë në Ballkan.

“Duke marrë parasysh përkeqësimin e fundit të situatës në Kosovë dhe tensionet që janë ende të pranishme atje, u theksua domosdoshmëria e rregullimit të situatës në bazë të respektimit të rreptë të normave të së drejtës ndërkombëtare, duke u mbështetur në Rezoluta 1244 e Këshillit të Sigurimit të OKB-së, dhe të sovranitetit dhe integritetit territorial, të drejtave dhe interesave legjitime të Serbisë”, thuhet në njoftim.

Ministri i Punëve të Brendshme të Serbisë, Aleksandar Vulin, ka qenë sot në Moskë, ku ka takuar Lavrovin, si dhe zyrtarë të Ministrisë së Mbrojtjes dhe Industrisë Speciale të Rusisë.