15 minuta më parëNga Obranqa, Bubla, Drenoci e te Rogoçica: Toka e male në Kosovë përfshihen nga zjarri
Periskopi(4 vite më parë)
(4 vite më parë)Gjatë së dielës raportohet të kenë ndodhur pesë zjarrëvenie në rajone të ndryshme të Kosovës. Prona me bari të thatë e male u përfshinë nga zjarri. Zjarri në disa prej rasteve erdhi si shkak i ndezjes së disa mbeturinave. Në fshatin Obranqë të Podujevës janë djegur rreth 10 hektarë pronë bari i thatë. E sipas […]
Gjatë së dielës raportohet të kenë ndodhur pesë zjarrëvenie në rajone të ndryshme të Kosovës.
Prona me bari të thatë e male u përfshinë nga zjarri. Zjarri në disa prej rasteve erdhi si shkak i ndezjes së disa mbeturinave.
Në fshatin Obranqë të Podujevës janë djegur rreth 10 hektarë pronë bari i thatë. E sipas ankuesit një i dyshuar e ka ndezur zjarrin aty. Policia me këtë rast ka nisur hetimet.
“Fsh. Obranqë, Podujevë, 27.03.2022 – 12:30. Ankuesi mashkull kosovar ka raportuar se i janë djegur rreth 10 hektar pronë bari i thatë. Zjarrin e kanë shuar banorët e fshatit dhe sipas ankuesit një i dyshuar mashkull kosovar e ka ndezur zjarrin. Rasti është duke u hetuar”, thuhet në njoftimin 24 orësh të Policisë së Kosovës.
Zjarri përfshiu edhe 50 ari në Samadrexhë. Aty një person i vuri zjarrin disa mbeturinave, e që ky zjarr u përhap në gjithë sipërfaqen
“Samadrexhë, 27.03.2022-13:30. Dyshohet se deri sa ka qenë duke punuar në arat e tij i dyshuari mashkull kosovar ka bërë ndezjen e një zjarri për t’i djegur disa mbeturina dhe për një moment zjarri është përhapur duke djegur rreth 50 ari fushë si dhe një vresht e pa punuar. Zjarrfikësit kanë arritur ta shuajnë zjarrin. Në konsultim me prokurorin kujdestar është inicuar rasti dhe procedohet në procedurë të rregullt”, njofton Policia.
E në Bubël të Malishevës një pjesë e malit që është pronë publike është përfshirë nga zjarri.
“Fsh. Bubël, Malishevë, 27.03.2022 – 15:20. Ankuesi mashkull kosovar ka raportuar se është duke u djegur një pjesë e madhe e malit pronë publike. Në vendin e ngjarjes kanë dalë të gjitha njësitë përkatëse dhe zjarrfikësit janë duke u munduar ta lokalizojnë zjarrin. Rasti është duke u hetuar”, njoftoi policia në raportin 24 orësh.
Një mal u përfshi nga zjarri edhe në Drenoc të Rahovecit. Policia raporton se mali i djegur është në afër të xhamisë së fshatit.
“Fsh. Drenoc, Rahovec, 27.03.2022 – 12:30. Ankuesi mashkull kosovar ka raportuar se është duke u djegur një mal në afërsi të xhamisë së fshatit. Në vendin e ngjarjes kanë dalë të gjitha njësitë përkatëse dhe zjarrfikësit janë duke u munduar ta lokalizojnë zjarrin. Rasti është duke u hetuar”
Edhe në Rogoqicë të Kamenicës pati zjarr. Aty rreth 5 jektarë tokë u përfshinë nga zjarri.
“Fsh. Rogoqicë, Kamenicë, 27.03.2022 – 15:35. Ankuesi mashkull kosovar ka raportuar se është përfshirë nga zjarri një pjesë e malit prej rreth 5 hektarësh. Njësitë relevante policore dhe zjarrfikësit kanë dal në vendin e ngjarjes. Në lidhje me rastin është konsultuar prokurori i shtetit”, ka njoftuar policia.
