disa sekonda më parëMurati: Është koha për një samit të liderëve shqiptarë të rajonit
Periskopi(4 vite më parë)
(4 vite më parë)Kryetari i Lëvizjes për Bashkim, Valon Murati, ka reaguar pas votimit të mbrëmshëm të Serbisë, e cila ka votuar pro rezolutës së OKB-së për dënim të agresionit rus mbi Ukrainën. Murati ka shtuar se Serbia me këtë veprim ka dashur të zbus zemërimin e Perëndimit ndaj saj, pasi që nuk i vendosi sanksione Rusisë dhe […]
Murati ka shtuar se Serbia me këtë veprim ka dashur të zbus zemërimin e Perëndimit ndaj saj, pasi që nuk i vendosi sanksione Rusisë dhe së dyti: për shkak që po dëshiron të paraqitet konsistente.
“Serbia po e vazhdon lojën: është koha për samit të liderëve shqiptarë të rajonit! Votimi i Serbisë mbrëmë për rezolutën e AP të OKB-së për të dënuar agresionin rus mbi Ukrainën kishte dy qëllime. E para për të bërë përpjekje që të paraqitet ‘konsistente’ në parimin e ruajtjes së parimit të integritetit dhe sovranitetit territorial dhe indirekt për të krahasuar agresionin rus mbi Ukrainën me ndërhyrjen e NATO-s në Kosovë”, shkroi ai.
Murati thotë se këto janë lojëra të Serbisë dhe që sipas tij, tani është koha për samit të liderëve shqiptarë të rajonit.
“Ne duhet të shfrytëzojmë rastin që në funksion të paqes e stabilitetit në rajon por edhe zhvillimit tone të brendshëm të forcojmë pozicionin tonë duke dinamizuar bashkëpunimin me aleatët perëndimor e duke koordinuar veprimet me faktorin shqiptar në rajon. Është koha për një samit të liderëve shqiptarë të rajonit”, ka shkruar Murati në një postim në Facebook.
