4 minuta më parëKurti i shqetësuar se Putini mund ta bartë luftën edhe në Ballkanin Perëndimor
Periskopi(4 vite më parë)
(4 vite më parë)Kryeministri i vendit, Albin Kurti, në një intervistë për mediumin prestigjioz britanik, Skynews,është shprehur i shqetësuar se Presidenti i Rusisë, Vladimir Putin, mund ta bartë luftën edhe në Ballkanin Perëndimor, shkruan Gazeta Periskopi. Kurti ka thënë se Ballkani s’mund të jetë imun nga ajo që po ndodh në Ukrainë dhe se Kosova i është bashkuar […]
Kurti ka thënë se Ballkani s’mund të jetë imun nga ajo që po ndodh në Ukrainë dhe se Kosova i është bashkuar bllokut perëndimor në sanksione ndaj Rusisë.
“Ballkani s’është imun nga efektet e situatës në Ukrainë sepse në Ballkan kemi shtet që s’i ka vënë sanksion Rusisë, që s’iu bashkua BE-së për të dënuar pushtimin rus, dhe kjo është Serbia, fqinji jonë”, tha Kurti teksa shtoi se Serbia vazhdon të refuzojë njohjen e Kosovës, ndërsa në anën tjetër ruan lidhjet e fuqishme me Rusinë.
Ai ka thënë se Serbia ka shumë lidhje me Rusinë në të gjitha dimensionet.
“Kjo ka shumë lidhje me Rusinë, si kulturore dhe historike në një anë dhe ekonomike e ushtarake”.
Tutje, ai ka shprehur shqetësimin e tij se Ballkani Perëndimor mund të shëndrrohet në fushbetejë të Rusisë me demokracitë perëndimore.
“Prandaj populli i Kosovës është i shqetësuar se presidenti despotik Vladimir Putin do të përpiqet të bartë luftën edhe në Ballkanin Perëndimor për ta kthyer në fushëbetejë me demokracitë perëndimore”, ka thënë Kurti. / PERISKOPI
