Këshilltari i lartë i Putinit i del kundër për Ukrainën: Intervista në Sky, përkthen Periskopi

Por, jo sot. Jo pas këtij invazioni.

Në një intervistë ekskluzive për SkyNews përkthen Periskopi, ai tregon se si është ndier kur mori vesh për sulmin rus në Ukrainë.

“Isha i shokuar sepse po mendoja qe një kohë se një operacion ushtarak s’do të ishte i nevojshëm”.

Kortunov thotë se është jetike për Rusinë që ta ndalojë këtë luftë sa më parë.

“Këshilla ime sot është që ta ndalojmë situatën aktuale dhe të arrijmë armëpushimin dhe kjo do të duhej të ishte top prioritet. Duhet ta ndalim këtë konflikt”

“Për fillim, në tavolinën e bisedimeve nuk duhet ta kemi vetëm Ukrainën por edhe Perëndimin”

Kortunovi është në panelin e ekspertëve dhe këshilltarëve të politikës së jashtme të Kremlinit. Ta kemi pra parasysh, këshillat që ky i shkruan në letër, i lexon Vladimir Putini.

Por, pse s’ia mori parasysh këshillat për Ukrainën?

“Nuk e kuptoj logjikën aktuale që ai (Putini) ka”, thotë ky zotëri për SkyNeës.

“Nuk kuptoj as nuk shoh ndonjë arsye racionale për të justifikuar aksionet atje. Është vështirë për mua ta mendoj se çka ka menduar ai kur e mori këtë vendim”.

Putini tani ka ngushtuar rrethin e këshilltarëve në një klikë të vogël siguro-kratikësh, ose njerëz të fuqishëm që quhen gjeneralë dhe spiunë. Këta që mendojnë si Kortunovi, që kanë avokuar për një integrim më të madh të Rusisë në botën e jashtme dhe për prosperitet më të madh të shtetit rus, janë anatemuar.

“Ne kemi zgjedhur të besojmë se emri i gjithë kësaj pune do të duhej të ishte: zhvillim. Por, mund ta imagjinoj se disa njerëz rreth zotit Putin, besojnë se kjo punë e ka emrin: mbijetesë”.

Çka ka arritur t’i thotë zotëri Kotrunovi deri tash Putinit. I ka thënë se Perëndimi do ta dobësojë. Nëse e ka prioritet mbijetesën, taktikat që kanë zgjedhur janë mjaft komprometuese, shkruan Sky amerikan, teksa nxjerr bisedën me ekspertin rus.

Ditë të zeza për këshilltarët e moderuar të Vladimir Putinit

Sipas zotit Kortunov dhe çiftave të tij që rrethojnë Putinin, thotë se po i presin ditë të zeza.

“Jam në depresion. Besoj që shumë si unë janë në depresion. Mendoj se shumë njerëz në Kremlin janë të stresuar sepse çmimi që do ta paguash për këtë, e dini, por edhe sepse shumë njerëz do të vriten”.

“E keni parasysh, është diçka që s’do të mund ta harrojmë kurrë’, tha ai./Sky NEWS/Periskopi