6 orë më parëRahoveci bën detyrën, mposhtë sërish Pejën
Periskopi(4 vite më parë)
(4 vite më parë)Rahoveci po vazhdon me formë shumë të mirë, ku brenda pak ditësh, ka mundur sërish Pejën me rezultat 63:61 (16:14, 16:14, 13:16, 18:17), në xhiron e 24-t në Superligën e Kosovës në basketboll. Çereku i parë ishte i baraspeshuar, ku asnjëra skuadër nuk arrinte shkëputjen e madhe dhe u shënuan shumë pak pikë, madje pejanët […]
Çereku i parë ishte i baraspeshuar, ku asnjëra skuadër nuk arrinte shkëputjen e madhe dhe u shënuan shumë pak pikë, madje pejanët shënuan vetëm pas katër minutash, ndërsa kjo pjesë përfundoi 16:14.
Edhe periudha e dytë ishte e ngjashme me atë të parin, madje, edhe rezultati ishte identik, ndërsa pjesa e parë përfundoi 32:28. Pjesën e dytë, përkatësisht periodën e tretë, më mirë e nisën mysafirët, që barazuan shifrat në 32:32, e kaluan në epërsi 34:36, dhe zhvillohet lojë e baraspeshuar, ndërsa rezultati në semafor pas 30 minutash ishte 45:44.
Në dhjetë minutat e fundit u zhvillua lojë interesante, ku vendasit arritën të ruajnë epërsinë dhe triumfuan me shifrat 63:61, ndërsa pejanët gabuan në aksionin e fundit.
Te Rahoveci u dalluan Makol Mawien me 14 pikë e 11 kërcime, Ivan Koljeviq me 14 pikë, shtatë kërcime e tetë asistime dhe Fisnik Rugova me 15 pikë e 11 kërcime, ndërsa te Peja u dalluan Darius Washington me 17 pikë e gjashtë kërcime, Arian Qallakaj me 12 pikë e 12 kërcime dhe Calvin Godfrey me 12 pikë e 13 kërcime.
Rahoveci ka 11 fitore e 13 humbje, kurse Peja ka 15 fitore e nëntë humbje.
