një orë më parëShkëlqen përsëri Muriqi, Mallorca fiton ndaj Bilbaos falë dy super asisteve të kosovarit
Periskopi(4 vite më parë)
(4 vite më parë)Vedat Muriqi ka lënë sërish gjurmë për Mallorcan. Ekipi i tij fitoi 3:2 ndaj Athletic Bilbaos në shtëpi, ndërsa sulmuesi kosovar kontribuoi me dy asiste. Salva Sevilla ishte ai që e kaloi Mallorcan në epërsi në minutën e 22-të nga pika e bardhë. Në të 30-tën, Mallorca e dyfishoi epërsinë. Vedat Muriqi vrapoi dhe bëri […]
Vedat Muriqi ka lënë sërish gjurmë për Mallorcan. Ekipi i tij fitoi 3:2 ndaj Athletic Bilbaos në shtëpi, ndërsa sulmuesi kosovar kontribuoi me dy asiste.
Salva Sevilla ishte ai që e kaloi Mallorcan në epërsi në minutën e 22-të nga pika e bardhë.
Në të 30-tën, Mallorca e dyfishoi epërsinë. Vedat Muriqi vrapoi dhe bëri një asist të bukur me kokë për Angel, i cili e dërgoi topin në rrjetë.
Me epërsi të dyfishtë u mbyll edhe pjesa e parë, kurse e dyta tregoi një pasqyrë krej tjetër.
Athletic Bilbao arriti të barazonte rezultatin me dy gola brenda dy minutave. Garcia ngushtoi epërsinë në minutën e 59-të, kurse dy minuta më pas Berenguer barazoi shifrat.
Por, në minutën e 88-të ishte sërish Vedat Muriqi që doli në skenë duke asistuar për Kubon i cili e shënoi golin e fitores.
Kështu, Vedat Muriqi vazhdon me formë fantastike, duke qenë vazhdimisht protagonist për ekipin e tij.
Me këtë barazim, Mallorca ngjitet në vendin e 15-të në tabelë me 26 pikë, duke i ikur për gjashtë pikë zonës së rrezikshme.
Në anën tjetër, Athletic Bilbao mbetet i teti me 34 pikë gjithsej.
