Ronaldo për Mbappen: Kur e shikoj duke luajtur, më kujton momentet e mia më të mira

Mbappe zhvilloi një Botëror fenomenale, duke qenë lojtari kyç në suksesin e Francës.

Me golat e tij ai i dërgoi ‘Gjelat’ deri në finale të kompeticionit më prestigjioz në nivel kombëtaresh, Kampionatin Botëror.

Së fundmi në një intervistë lidhur me yllin francez ka folur edhe braziliani, Ronaldo.

Ai u shpreh i mahnitur me të, madje duke e krahasuar atë me vetën.

“Ai luajti një turne të shkëlqyer nga ndeshja e parë deri në finale. Edhe kur nuk shënonte, si kundër Anglisë në çerekfinale, ashtu edhe kundër Marokut në gjysmëfinale, ai ishte vendimtar çdo herë, me asistime të zgjuara. Në finale ai ishte fantastik me katër gola, përfshirë edhe penalltinë në shortin final. Teknikisht ai është fantastik, është pothuajse i pandalshëm dhe mund të ishte shpallur lojtari më i mirë i Kupës së Botës, sepse e meritonte kaq shumë. Shumë sulmues në këtë Botëror kanë qenë të shpejtë, por ai është për një kohë të gjatë më i shpejti. Kur e shikoj duke luajtur, më kujton momentet e mia më të mira. Ai e di saktësisht se si të shfrytëzojë hapësirat e hapura, si të jetë i paparashikueshëm me dhe pa top dhe si të dalë mirë nga situatat një për një. Është mbresëlënëse”, ishin fjalët e fenomenit.

Kujtomë që Mbappe u shpall golashënuesi më i mirë i Botërorit me tetë gola të realizuara.